أكد وليد الركراكي، مدرب الوداد الرياضي، أنه لو كان متتبعا لكرة القدم الأفريقية، سيرغب في مشاهدة مباراة الوداد والأهلي كنهائي لـدوري أبطال أفريقيا.

وقال الركراكي في تصريحات إعلامية: "الفينال جا فوقتو، أنا نكون ساكن فبوينوس آيروس ولا باريس ولا نيويورك، غانشعل التلفازة نتفرج ففينال العصبة، غانبغي نشوف الأهلي مع الوداد".

وتابع: "الأهلي هي ريال مدريد أفريقيا، مولفة تلعب الفينال، شفنا ماتش لبارح، ريال مدريد من والو ربحو، فحال هاكا دايرين الأهلي، حنا الحمد لله شفنا شنو طرا ليفربول وتعلمنا، لا نعسنا ولا الحارس ديالهم دار فحال كورتوا خصنا نبقاو مركزين".

واختتم: "الأهلي هي الفرقة اللي مرشحة، فاش تتشوف مثلا بنون أحسن لعاب داز فالبطولة مشا لمصر، الفلوس لي عندهم ماشي فحالنا، حنا مقدرناش نجيبو لعابة، ولكن غانديرو ماتش كبير باش نخليو الكاس فكازا".

ويلتقي الطرفان، يوم غد الإثنين، على أرضية ملعب محمد الخامس، انطلاقا من الساعة الثامنة مساء (20:00 غرينيتش+1)، بقيادة الحكم الجنوب أفريقي فيكتور غوميز.