الطاوسي: "التغييرات التي قمت بها أعطت الإضافة المرجوة ولم نلعب ضد أشباح لأن الأهلي يبقى الأهلي"
شدد رشيد الطاوسي، مدرب فريق الرجاء الرياضي، على أن التغييرات التي قام بها أمام الأهلي المصري، أعطت الإضافة المرجوة منها.
وقال الطاوسي خلال المؤتمر الصحفي الذي تلا المباراة: "التغييرات لي قمت بيها أعطت الإضافة. أهنئ اللاعبين على العمل لي قاموا بيه. الكرات الثابتة ملي مكتبقاش مركز حتال الدقائق الأخيرة كيتسجل عليك منها".
وأردف: "خدمنا على المهام ديال كل واحد فالكرات الثابتة، لكن من خطأ فالتغطية أدينا الثمن غالي. الكرات ديالنا كلها كانت فنص تيران الأهلي، وجاونا فرص من كرات ثابتة مستغليناهمش. لم نلعب ضد أشباح، والأهلي يبقى الأهلي".
وأضاف: "أظن أنك ملي كتلعب بحال هاد البطولات كلشي غيبقا يتحسر على الهدف المحقق لي ضيعناه فالذهاب. مغنرجعوش للوراء اليوم حتى واحد مقصر من جهدو الحرقة لي بقات هي أننا مهديناش التأهل للجمهور".
"عندنا فريق باش نمشيو بعيد. غادي نطويو هاد الصفحة ونفكرو فالمباريات القادمة. مزال عندنا كأس العرش وهادي هي كرة القدم. فالمباريات كيكون وقت قوة وضعف، ووجدنا لجميع الاحتمالات فالتداريب" يضيف الطاوسي.
واختتم مدرب الرجاء حديثه: "اللاعب الشاب ميمكنش دخلو فبحال هاد المباريات منذ البداية، ولكن ايلا دخلتيه كبدليل ممكن يقدم ليك الإضافة".
