عدسة البطولة
السكيتيوي: "مْلِي كُنت كَنربَح الرجاء و الوداد ب 3 و 4 كُنت مْزيَان دابا وَلِيت خَايب"
عبر الاطار الوطني عبد الهادي السكيتيوي مدرب فريق الوداد الرياضي عن أسفه على الأحداث التي تلت إقصاء بطل أفريقيا من منافسات دوري أبطال أفريقيا أمام فريق وفاق سطيف الجزائري.
و أوضح السكيتيوي خلال الندوة الصحفية التي تلت المباراة قائلا " لحاجَة لِي مَكتْخليكْش تنعَسْ هي بْحَال هاد السيناريو لِي كان لبارَح، اشنو هي الحاجة لي كان خاصها تْدار و مَدرناهاش، و ما هو المطلوب فعله، شفنا بناء العمليات كان على جميع المستويات لكن الكرة مَبغاتش تدخل شي فرص جاوْنا تجِيب واحد من زَنقة يمارْكيها الوداد".
و تابع المتحدث ذاته " كون كانو شي لعابة غير مركزين شوية كون ماركينا على الأقل 4 و لا 5، لكن مماركينا حتى بيت و تقصينا أنا كنتحمل المسؤولية حيت لعابة زكلو بزاف، أفضل المدربين فالعالم مكانوش يقدرو يديرو أكثر من داكشي لي درنا، قدري أنني لم أكن محظوظ يوم أمس".
و بخصوص الانتقادات التي تلقاها بعد نهاية المواجهة، قال السكيتيوي "ملي جيت للوداد قبل ستة أشهر جيت كمدير رياضي و بعد ما تقلدت زمام الامور كمدرب للفريق الأول و كان ذلك تلبية لنداء الوداد في شخص الرئيس و المكتب المسير و الجماهير و قبلت التحدي، وليت خايب، ملي كنت كنجي نلعب فكازا مع الوداد و الرجاء و كنت كنربح بثلاثة و ربعة و التاريخ شاهد كان سكيتيوي مزيان ودابا ولا خايب، واحد الوقت قبل سنتين أو ثلاث سنوات كان كيطالبوا يجي للوداد و دابا ملي ظروف خلاتنا نتقصاو و لا خايب".
