الركراكي لـ"البطولة": "جِيت بَاش نربح الأَلقاب.. خْص دِّير هَدف كْبير بَاش تْوصل وهَادي هي العَقلية اللِّي بغيتها فالكرة المغربية"

أكد الناخب الوطني وليد الركراكي، أن التتويج بالألقاب يعتبر هدفه رفقة المنتخب المغربي، مشيرا إلى أنه سيحاول قيادة "أسود الأطلس" على الأقل للمربع الذهبي من كأس أمم أفريقيا.

وقال الركراكي في تصريحه لـ"البطولة": "أنا جيت باش نربع الألقاب، ملي كان أجنبي تيوصل لربع النهائي كنتو فرحانين ولكن أنا بغيت نبدل العقلية".

وأضاف: "لا موصلناش النصف فالكان أنسالي العقد، وخص يجي مورايا شي حد بش يربح اللقب، أنا غادي نبني هاد المنتخب باش نوصلو على الأقل للنصف".

وتابع: "خص تعطي أهداف كبيرة باش توصل، وهادي العقلية لي تنبينها فالكرة المغربية، المسؤولية خص ديما نهزها، كيف مع الوداد، وقعت عام وقلت للرئيس إما نربع العصبة ولا نمشي فحالي".