فصيل " شارك" يتهم إدارة أ. آسفي بانتهاج "سياسية الاختباء" ويحملها مسؤولية حرمان الجامعة لفريقها من قيد لاعبيه الجدد

أطلقت خلية "مارينز شارك" المساندة لأولمبيك آسفي النار على إدارة فريقها، محملة إياها مسؤولية اقتصار لائحة الفريق هذا الموسم على 20 اسما (17 لاعبا و3 حراس مرمى)، في الوقت الذي لا زال فيه العديد من اللاعبين (15 لاعبا) خارج القائمة بسبب عدم تأهيلهم من قبل الجامعة.

وأصدرت الخلية التابعة للفصيل المسفيوي "شارك" بلاغا تطالب فيه الثلاثي المكون من أنور دبيرة، رئيس الفريق، أحمد بوكطاية، الامين العام وامحمد بن خاتي، أمين المال، بالكف عن سياسة الاختباء، وممارسة أساليب التضليل التي افتضحتها القوانين الجديدة للجامعة الملكية المغربية لكرة القدم.

وأشار الفصيل إلى أن المكتب الحالي للفريق فشل في تدبير مرحلته، ,رغم تسييره للـ"القرش المسفيوي" بميزانية تبلغ أربعة ملايير سنتيم، على عكس المكاتب السابقة التي تعاقبت على تسيير النادي دون ترك أي نزاع أو ديون فوق طاولة جامعة الكرة.

وطرح الفصيل أكثر من علامة استفهام حول مصير المداخيل التي راكمها النادي الموسم الماضي، مع وضع علامة استنكار حول عدم قدرة مكتب ادبيرة في استنقاص ديون اللاعبين والمدربين السابقين التي أثقلت كاهل ميزانية الفريق.

وعاب الفصيل على مكتبه فشله في جلب موارد مالية، مقابل تفنن الثلاثي المذكور في تلطيخ بريق النادي بعد حرمان الجامعة لأولمبيك آسفي من صفقاتها لحين مدها بضمانات مالية تؤكد فيها فضها لنزاعاتها مع اللاعبين والمدربين السابقين.

وفيما يلي بلاغ الفصيل:

السلام عليكم و رحمة الله

هاد الرسالة موجهة للثلاثي (دبيرة ، بوكطاية و بن خاتي) ، واش ساكتين ؟ ولا مخبيين ؟ ولا خايفين ؟ ولا دايرين سياسة التحكم من الوراء و الدفع بأوجه جديدة باش يصطادموا مع الجمهور و نتوما يبرد عليكم الصهد ؟؟؟ راه عايقين بيكم و الجمهور كامل عايق بيكم وعارف أي مشكل وأي خروقات وأي تجاوزات راه جايين من عندكم يعني بلا ما يسحابليكم راه ضللتوا الجمهور ولا ضمستوه، الرئيس المسؤول الأول والكاتب العام وأمين المال ثلاثي الفساد، هادشي راه ماشي شي حاجة جديدة، راه غير القوانين الجديدة ديال الجامعة لي بيناتكم على حقيقتكم وكشفات المستور وأزالت الستار على تسييركم الهاوي.

باش نكونوا مفاهمين من الأول أنه أي مكتب مسير سبق وأن اشرف على تسيير الفريق من بعد مكتسالي الولاية ديالو كينساحب ولا كيمشي في أمان الله بدون ميخلي ولا يترك أي دين ولا نزاع للفريق في الجامعة. المكتب المسير الحالي كيتعتبر أنه اول مكتب يسير فريق بميزانية بمداخيل تقارب 4 ملايير بحيث جميع المكاتب السابقة كانت الميزانية اقل وأقل بكثير مما هي عليه الآن. أربعة ملايير بدون أي عناء ومجابوش منها هما والو حتى درهم كاملة كتعتبر مداخيل قارة وباردة كيف كيقولو.

*مليار و 280 مليون ocp

*200 مليون منحة المشاركة في البطولة العربية

*80 مليون فيتكو

*400 ارباح من صفقة انتقال لاعب مورابيط

*600 مليون منحة النقل التلفزي

*700 مليون مساهمة الجامعة في تاسيس شركة رياضية

*100 مليون دعم الجامعة بعد توقف البطولة بسب جاءحة كورونا

ومداخيل أخرى كمنحة المجلس الاقليمي ومجلس الجهة .

بهاد الميزانية كاملة المداخيل لي ذكرنا مزال عند الفريق نقص ودين ونزاعات لدى الفيفا والجامعة، مازال لاعبين مخداوش فلوسهم مزال مدربين مخداوش فلوسهم، بهاد الميزانية كاملة و مكتلعبش على الألقاب وعندك كريدي و كيتسالوك اللعابة، فهنا كنطرحو علامة الاستفهام كبيرة على تدبير و تسيير ميزانية الفريق، هنا فين كنقولو أن الفلوس كتمشي في الصفقات المشبوهة ولاعبين من أقسام الهواة.

هنا فين كنقولو أنه أمين المال كيسيني لنسيبو وكيسكن معاه فدار والفريق كيدفع فلوس الكراء !! ... وما خفي أعظم وإلى جينا نتكلموا على التفاصيل والحيثيات ايتخصنا وقت كثير.

هاذي سنوات و نتوما خدامين بواحد الخطة ديال النصب والاحتيال على اللاعبين، ويلا جينا نذكرو الحالات غانبداو من حمدان و نتا جاي، كتسينيو مع اللعاب بواحد الثمن و كتبقاو حاضيينو على أبسط الأخطاء باش فأي لحظة تجريو عليه ...

إلى حدود كتابة هذه الأسطر الجامعة حكمات على فريق أولمبيك آسفي أنه يلعب فقط بـ17 لاعب و 3 حراس إلى حين تسوية الأمور المالية وفض نزاعات مع لاعبين ومدربين سابقين وتعطيهم ضمانات على انك غادي تخلص هادوا لي عندك دابا، و الفضيحة هي أنه هاد الماتش متوفرة غير 15 لاعب ... هاذ القانون ديال الجامعة ما خلا ليكم ما تقولو، و جالسين مخبيين و كتستحمرو الجمهور مرة تخرجو فلان يقول جوج كلمات مرة تخرجو فلان مرة فلان زعما راكم دايرين لي عليكم، ونتوما كاتدفعو الفريق للهاوية راه عيب و عار تمنحو للمدرب 17 لاعب و ثلاث حراس، عوض ما تتحركوا و تلقاو حلول و تفضوا المشاكل جالسين كاتفرجوا و كتضحكوا على الجمهور بجوج كلمات فالصفحة الرسمية، الرئيس لي عوض ما يهز الفرقة و يقلب على مستشهرين وينعش الفريق ويوجد فلوس اللعابة وكلشي يكون مظبوط، زايدها بالتغراق و محرومين من اللعابة ديولنا وهاذي سابقة في تاريخ الأولمبيك ... و سي بوكطاية الناهب العام زايدها بالحفير للمدرب و كيوجد فالمرايقية ديالو باش ملي يدخل الفريق فشي دوامة نتائج سلبية لاقدر الله يخدم سياستو المعهودة باش يأجج الوضع على المدرب ...